«Барселона» ва «Манчестер Сити» жамоаларининг собиқ яримҳимоячиси Яя Туре мустақил бош мураббийлик фаолиятини бошлади.
Ивуарлик 43 ёшли мутахассис «Слован» устозига айланди. Словакиянинг энг совриндор клуби билан уч мавсумга мўлжалланган шартнома имзолади.
«Жуда бахтлиман ва кучга тўламан. Душанба кунидан иш бошлашни интизорлик билан кутяпман. Мендан олдинги мураббий «Слован» билан эришган ютуқлари учун катта ҳурматга лойиқ. Футбол — мен учун бутун бир ҳаёт», — деди Туре.
Бунга қадар Туре Саудия Арабистони миллий жамоасида Роберто Манчинига ёрдамчи сифатида фаолият юритган эди.
Маълумот учун, «Слован» ўтган мавсумда Словакия чемпионлигини қўлга киритиб, Чемпионлар лигаси саралашига йўлланма олган эди.
