«Барселона» ва Испания миллий жамоаси вингери Ламин Ямал машғулотларга қайтди. Бу ҳақда инсайдер Фабрицио Романо хабар берди.
Манбага кўра, 18 ёшли футболчи жаҳон чемпионатидаги дастлабки тур ўйинида иштирок этиши мумкин.
Хабар қилинишича, Ямал ўйнаш иштиёқига тўла ва ўзини ажойиб ҳис қилмоқда. Футболчига 15-20 дақиқа майдонда ҳаракат қилиш имконияти берилиши мумкин.
Эслатиб ўтамиз, Испания миллий жамоаси турнирдаги биринчи ўйинини 15 июн куни Кабо-Вердега қарши ўтказади. Шунингдек, гуруҳда Саудия Арабистони ва Уругвай ҳам ўрин олган.
Маълумот учун, амалдаги жаҳон чемпиони Аргентина миллий жамоаси ҳисобланади.
