Бутунжаҳон антидопинг агентлиги (WADA) АҚШ президенти Доналд Трамп ва бошқа америкалик расмийларга 2026 йилги футбол бўйича жаҳон чемпионати ҳамда 2028 йилги Лос-Анжелес Олимпиадасига ташриф буюришни тақиқлашни режалаштирмаётганини маълум қилди.
Агентлик матбуот хизмати бу ҳақда расмий баёнот билан чиқди.
Аввалроқ Ассосиатед Пресс нашри АҚШ томонидан WADAга йиллик бадаллар тўланмагани сабаб Трамп ва бошқа расмийларга жаҳон чемпионати ҳамда Олимпия ўйинларига кириш тақиқланиши мумкинлигини ёзганди.
WADA эса ушбу хабар чалғитувчи эканини таъкидлади.
Баёнотда қайд этилишича, агар агентлик молиялаштирилиши камаядиган бўлса, бундан бутун дунё спортчилари, жумладан АҚШ атлетлари ҳам зарар кўриши мумкин.
