«Ливерпул» вингери Флориан Вирц фаолиятини яна Бундеслигада давом эттириши мумкин. Бу ҳақда Bild хабар берди.
23 ёшли футболчини «Бавария» ўз сафига қўшиб олишга қизиқиш билдирмоқда. Мюнхенликларнинг Вирцга бўлган қизиқиши Майкл Олисега боғлиқ вазият фонида янада кучайган.
Матбуотда Олисенинг Испанияга кўчиб ўтиши мумкинлиги ҳақида хабарлар тарқалмоқда. Франциялик футболчига «Реал» жиддий қизиқиш билдирмоқда. Шу сабаб «Бавария» эҳтимолий трансферга тайёргарлик кўриб, Вирц вариантини кўриб чиқмоқда.
Мюнхен клуби аввал ҳам германиялик футболчини харид қилишга уринган, аммо Вирц ўшанда «Ливерпул»га ўтишни афзал кўрганди. Англияда эса у ҳозирча «Байер» сафида намойиш этган даражадаги ўйинини кўрсата олмаяпти.
Маълумот ўрнида, Флорианнинг трансфер нархи 100 миллион еврога баҳоланмоқда. Унинг «қизиллар» билан амалдаги шартномаси 2030 йил ёзига қадар мўлжалланган.
Аввалроқ «Ливерпул» Вирцни Бундеслигага қайтариш вариантини истисно қилмаётгани маълум қилинганди.
