«Штуттгарт» марказий ҳимоячиси Финн Елч бир нечта Европа клубларининг қизиқиш доирасига тушди. Бу ҳақда инсайдер Экрем Конур ижтимоий тармоқларда хабар берди.
20 ёшли футболчининг ўйинларини «Манчестер Юнайтед», «Ливерпул», «Арсенал», «Бавария», «Ювентус» ва Мадриднинг «Реал» клублари кузатмоқда. «Штуттгарт» раҳбарияти ҳимоячи учун 50–60 млн евро талаб қилмоқда.
Маълумот учун, Елч ушбу мавсумда Германия чемпионатининг тўртта баҳсида майдонга тушди. У мазкур баҳсларда битта голли узатмани амалга оширган ва бир бор сариқ карточка олган.
Футболчининг «Штуттгарт» билан амалдаги шартномаси 2030 йил июн ойи охиригача мўлжалланган.
Эслатиб ўтамиз, Германия клуби футболчиси учун 50–60 млн евро талаб қилмоқда.
