«Катта дубулға» туркумига кирувчи US Open-2026 турнирининг аёллар ўртасидаги яккалик баҳсларида яримфинал босқичи якунланиб, турнир финалчилари маълум бўлди. Улар — дунёнинг биринчи рақамли теннисчиси, беларуслик Арина Соболенко ва WTA рейтингида иккинчи ўринда турган, Қозоғистон вакили Елена Рибакина.
Яримфинал баҳсларида Соболенко дунёнинг учинчи рақамли теннисчиси, америкалик Жессика Пегулани 7:5, 6:2 ҳисобларида мағлуб этди. Рибакина эса АҚШ вакили Кори Гауффдан (WTA рейтингида 4-ўрин) 3:6, 6:4, 6:4 ҳисобида устун келди.
US Open-2026 турнирининг аёллар ўртасидаги яккалик баҳсларида ҳал қилувчи финал баҳси шанба, 12 сентябр куни бўлиб ўтади.
US Open-2026, аёллар. Финалчилар маълум бўлди
Теннис
11 сентябр, 03:39
Ҳал қилувчи баҳсда жаҳоннинг биринчи ва иккинчи рақамли теннисчилари тўқнаш келади.
Foto: Getty Images
