ЦСКА дарвозабон Игор Акинфеев билан шартномани 2027 йилгача узайтирди. Бу ҳақда клуб расмий сайти хабар берди.
«35 йилдан ошди-ки, бизнинг 35-рақамимиз ўзини қизил-кўк рангларга бағишлаб келмоқда. Кичкина Игор ЦСКАга биринчи машғулотга 4 ёшида келган. Ҳозирда унинг ҳисобида фаолиятидаги 929 та ўйин бор, уларнинг 382 таси «қуруқ» ўйинлар, мамлакат чемпионатидаги олтита ғалаба, саккизта Россия Кубоги, саккизта мамлакат Суперкубоги, УЕФА Кубоги, шунингдек, Россия миллий жамоаси таркибида Европа чемпионати бронзаси мавжуд. Игор Акинфеев – жаҳон футболи тарихидаги энг содиқ футболчи ва бу мавсум у учун 24-мавсум бўлади», — дейилади клуб хабарида.
Футболчи клуб сафида 818 та расмий ўйин ўтказиб, уларнинг 327 тасида ўз дарвозаси дахлсизлигини сақлаб қолган.
