«Манчестер Юнайтед»нинг собиқ мураббийи Эрик тен Ҳаг ўз жамоасида ҳужумчи Ҳарри Кейнни кўришни хоҳлаётганини маълум қилди.
«Раҳбариятга фақат битта ўйинчи — Кейн билан шартнома имзолашни хоҳлаётганимни айтдим. Мен унинг «Манчестер Юнайтед»га ўтишга жуда ижобий муносабатда бўлганини эшитдим, лекин биз у билан бу масалани ҳеч қачон муҳокама қилмаганмиз. Охир-оқибат нима бўлганини билмайман», - дея тен Ҳагнинг сўзларидан иқтибос келтиради The Athletic.
Маълумот учун, фаолиятининг катта қисмини «Тоттенҳэм»да ўтказган Кейн 2023 йилнинг ёзида Мюнхеннинг «Бавария» жамоасига ўтди. Трансфер суммаси 95 миллион еврони ташкил этди.
Аввалроқ нидерландиялик мутахассис Скотт Мактоминейнинг трансфери туфайли "Манчестер Юнайтед" раҳбариятини айблаган эди.
