«Ювентус» бош мураббийи Лучано Спалетти жамоа ҳужумчиси Кенан Йилдизнинг келажаги борасидаги саволга жавоб берди. Аввалроқ туркиялик футболчига Англиянинг «Арсенал» ва «Челси» клублари қизиқиш билдираётгани ҳақида хабарлар тарқалганди.
«Мен хотиржамман. Мен учун энг муҳими — келаси мавсум Йилдизни майдонга тушириш имкониятига эга бўлиш. У аллақачон катта футболчи ва шошилиш керак эмаслигини тушунади.
Унинг келажаги — «Ювентус»да. Бу клуб унинг учун аллақачон 100 миллион евро тўлашга тайёр. Мен, клуб раҳбарияти ва футболчининг ўзи унинг салоҳиятини тўлиқ намойиш этишини истаймиз. Мухлислар ҳам айнан шуни кутмоқда», — деди Спалетти клуб расмий сайтига.
Маълумот учун, Йилдиз 2022 йилда «Бавария»дан эркин агент сифатида «Ювентус»га қўшилган. Унинг клуб билан амалдаги шартномаси 2030 йил июнигача мўлжалланган.
Туркиялик футболчи 2025/26 йилги мавсумда «Ювентус» сафида барча мусобақаларда 47 та учрашувда майдонга тушиб, 11 та гол ва 10 та голли узатмага муаллифлик қилган. Тransfermarkt унинг бозор қийматини 75 миллион еврога баҳоламоқда.
Эслатиб ўтамиз, Йилдизнинг «Ювентус» билан шартномаси 2030 йилгача амал қилади. Турин клуби футболчини жамоанинг узоқ муддатли лойиҳасидаги муҳим футболчилардан бири сифатида кўрмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади