Нидерландия миллий жамоаси собиқ футболчиси Уэсли Снейдер бош мураббий лавозимига Хави тайинланганини очиқчасига танқид қилди.
«Мураббийликка лицензия олиш суръати Нидерландия Қироллик футбол иттифоқи стандартларига мос келмайдиган мутахассиснинг тайинлангани менга бироз ғалати туюлди. Хави атиги тўрт ҳафта ичида А, Б ва Про лицензияларини қўлга киритди, ваҳоланки ушбу курс тўрт ярим йил давом этиши керак эди. Хавига миллий жамоада муваффақиятлар тилайман, аммо унинг мураббийлик тажрибаси ҳали катта эмаслигига кўз юмиб бўлмаслиги ҳам кундек равшан», — дея Снейдер сўзларидан иқтибос келтиради The Touchline.
Эслатиб ўтамиз, Хави расман 12 август куни Нидерландия миллий жамоаси бош мураббийи этиб тайинланди. Мутахассис бошчилигида жамоа УЕФА Миллатлар лигасининг иккита ўйинини ўтказишга улгурди: Германия билан дуранг ўйнади (1:1) ва Сербия устидан ғалаба қозонди (2:1).
