«Катта дубулға» турнирларининг 24 карра чемпиони, дунёнинг 11-ракеткаси, сербиялик теннисчи Новак Жокович Пекинда бўлиб ўтаётган ATP-500 тоифасидаги турнирларда кетма-кет 30-ғалабасини қўлга киритди ва биринчи даврада дунё рейтингида 49-ўринни эгаллаб турган Португалия вакили Нуну Боржесни мағлуб этди. Учрашув 6:3, 7:6 (7:2) ҳисобида якунланди.
Кейинги даврада Жокович Хитой вакили Бу Юнчаокете билан баҳс олиб боради.
Маълумот учун, Жокович охирги марта Хитой пойтахтидаги турнирда 2015 йилда ўйнаган ва финалда Рафаэл Надални 6:2, 6:2 ҳисобида мағлуб этган. Сербиялик ушбу турнирда олти марта чемпионликни қўлга киритган.
Пекин турнирининг амалдаги чемпиони эса бошқа бир испаниялик теннисчи, дунёнинг учинчи ракеткаси Карлос Алкарас ҳисобланади.
