«Барселона» дарвозабони Войцех Шченсни нима сабабдан клубда қолишга қарор қилганини айтиб берди.
Полшалик кипер ўтган мавсумда майдонга кам тушган бўлса-да, «кўк-анорранглилар» сафидаги фаолиятини давом эттириш истагини билдирди.
«Мени қолишга ким кўндирди? Ўзим ва Ҳанси [Флик]. Бироқ, агар энди уддалай олмаслигимни ҳис қилганимда, қолмасдим – ҳеч ким мени кўндира олмасди. Мен ҳали ҳам ўзимни юқори савияда ўйнашга тайёр ҳис қиляпман. Ўйлайманки, тажрибам жамоага фойдали бўлиши мумкин. Умуман олганда, фойда келтира олар эканман, қолганимдан хурсандман», – дея 36 ёшли дарвозабоннинг сўзларидан иқтибос келтиради BarcaTimes.
Маълумот учун, Войцех Шченснининг «Барселона» билан шартномаси келаси йилнинг ёзига қадар амал қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади