Слот «Ал Аҳли» таклифини рад этди

Бу ҳақда ESPN нашри хабар берди.

«Ливерпул» клуби собиқ бош мураббийи Арне Слот, «Ал Аҳли» томонидан бўлган қизиқишга қарамай, фаолиятини Европанинг етакчи чемпионатларидан бирида давом эттирмоқчи.

Манбанинг хабар беришича, 47 ёшли мутахассис Жидда шаҳри жамоасида Маттиас Яйссленинг ўрнини эгаллаши кутилганди, аммо Слотнинг ўзи Европа футболига қайтишни мақсад қилган. «Ливерпул»дан кетгач, мураббий хизматларига Англия, Германия ва Италия клублари қизиқиш билдирган. Шунингдек уни Нидерландия миллий жамоаси бош мураббийи лавозимига номзодлардан бири сифатида қарашган.

Маълумот учун, Слот икки мавсумдан кейин май ойида «Ливерпул»ни тарк этди. Клубдаги биринчи мавсумида у, Юрген Клопп кетгач, жамоани АПЛ чемпионлигига олиб борди.