Испаниянинг «Севиля» клуби футболчи Алексис Санчес билан ўзаро ҳамкорликни якунлади. Чилилик ҳужумчининг шартнома муддати тугаган ва у узайтирилмайди.
Шунга қарамай, Санчес жамоанинг Испания олий дивизионидаги ўрнини сақлаб қолишида муҳим ҳисса қўшди. Ҳужумчи ҳамон фаолиятини давом эттириш ниятида, аммо унинг кейинги манзили ҳозирча номаълум.
Қайд этилишича, А Серияга қайтган Италиянинг «Монца» клуби унга қизиқиш билдирмоқда. Бироқ бу ҳозирча фақат миш-миш даражасида.
Шунингдек, «Барселона» ва «Арсенал» собиқ футболчиси Европада ўзига янги клуб топа олмаса, фаолиятини Чили чемпионатида давом эттириш учун ватанига қайтиши ҳам эҳтимолдан холи эмас.
