«Селтик» бош мураббий Мартин О’Нилл билан шартномани расман узайтирди.
Томонлар ўртасидаги янги келишув 2027 йилнинг ёзигача мўлжалланган ва уни яна бир мавсумга узайтириш имконияти мавжуд.
74 ёшли О’Нилл мураббийлик фаолиятини ўтган мавсум давомида қайта тиклади. Брендан Рожерс истеъфосидан сўнг у аввалига бош мураббий вазифасини бажарувчи бўлди. 2026 йилнинг январ ойи бошида эса лавозимга тўлиқ тасдиқланди.
Таъкидлаш жоизки, шимолий ирландиялик мутахассис аввалроқ 2000 йилдан 2005 йилгача «Селтик»ни бошқарган. «Селтик» ўтган мавсумда сўнгги турда «Ҳартс»ни (3:1) драматик тарзда мағлуб этиб, Шотландия чемпионига айланди. Бу чемпионлик унвони клуб тарихидаги 56-чиси бўлди.
