Криштиану Роналду «Ан Наср»нинг машғулотларига қайтди. Бу ҳақда A Bola нашри хабар бермоқда.
Манбага кўра, португалиялик 41 ёшли футболчи Осиё Чемпионлар лигаси 2 да Туркманистоннинг «Аркадағ» жамоасига қарши учрашувда иштирок этмайди. Бу ўйин 11 феврал, чоршанба куни бўлиб ўтади.
Қайд этилишича, Роналду 14 феврал куни Саудия Арабистони чемпионати доирасида «Ал Фотиҳ»га қарши баҳсда майдонга қайтади.
Эслатиб ўтамиз, Роналду «Ан Наср» сафида майдонга тушмаслик орқали Саудия жамғармаси (PIF)нинг айрим клубларга нисбатан олиб бораётган сиёсатига қарши норозилик билдирди.
Шунингдек, Риёд клубидаги маошлар бўйича қарздорлик ҳам Криштианунинг «Ал Иттиҳод»га қарши ўйинда майдонга тушмаслигига сабаб бўлган.
Аввалроқ Роналду «Манчестер Юнайтед»га қайтмаслиги хабар қилинганди.
