«Реал» класикодаги ғалабалар сони бўйича «Барса»дан ўзиб кетди

«Реал» «Эл Класико»даги ғалабалар сони бўйича яна «Барселона»дан ўзиб кетди.

Жозе Моуринио бошчилигидаги жамоа Испания чемпионатининг 10-турида «Камп Ноу» стадионида каталонияликларни 2:1 ҳисобида мағлуб этди.

Бу «Реал» учун расмий «Эл Класико» баҳсларидаги 107-ғалаба бўлди. «Барселона» эса бундай ўйинларда 106 марта устун келган. Яна 52 та ўйин дуранг билан якунланган.

Шунингдек, ўзаро учрашувларда киритилган голлар сони бўйича ҳам «Реал» устунликка эга: мадридликлар ҳисобида 446 та гол бўлса, «Барселона» 442 та гол урган.