«Барселона» ҳужумчиси Рафиня «ПСЖ»нинг қизиқишлари доирасига тушди. Бу ҳақда ElNacional.cat нашри хабар берди.
Манбага кўра, парижликлар бразилиялик 29 ёшли футболчининг трансфери учун 100 миллион евродан ортиқ пул сарфлашга тайёр.
Қайд этилишича, агар «Барселона» ушбу келишувга рози бўлса, ўз молиявий муаммоларини ҳал қилиши мумкин.
Бу мавсумда Рафиня клуб сафида барча турнирлар доирасида 31 та ўйинда майдонга тушиб, 19 та гол урди ва 8 та голли узатмани амалга оширган. Transfermarkt портали маълумотларига кўра, футболчининг бозор қиймати 80 миллион еврони ташкил этади.
