«ПСЖ» «Аякс» билан 21 ёшли белгиялик вингер Мика Годтснинг трансфери бўйича келишувга эришди, деб хабар бермоқда инсайдер Фабрицио Романо ўзининг Х тармоғидаги саҳифасида.
Парижликлар ўз таклифларини яхшилаб, футболчи учун 55 миллион евро тўлашга тайёр. Амстердам клуби бундай шартларга рози бўлди, бироқ томонлар ҳали битимни расмийлаштиришни якунламаган - зарур ҳужжатлар ҳали имзоланмаган.
Годтс «Аякс»да 2023 йилнинг январидан бери ҳаракат қилиб келади. Ўшанда футболчи «Генк» сафидан Нидерландияга кўчиб ўтганди. Ушбу мавсумда белгиялик футболчи 4 та ўйин ўтказиб, 1 та гол урди ва 3 та голли узатмани амалга оширди.
Аввалроқ, «Барселона» ҳужумчиси Ферран Торрес ҳам «ПСЖ»га ўтиши ҳақида хабар берилган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади