Париждаги «Shatle» театрида «Олтин тўп-2025» маросими бўлиб ўтмоқда.
Бош совринга қадар бир қатор номинацияларда энг яхшилар аниқланмоқда.
Йилнинг энг яхши клуби сифатида кутилганидек «ПСЖ» эътироф этилди. Франция жамоаси ўтган мавсумда Чемпионлар Лигаси, Лига 1, Франция кубоги ва суперкубогида ғолиб бўлган, шунингдек, клублар ўртасидаги жаҳон чемпионатида финалгача етиб борганди.
Энг яхши аёллар клуби соврини эса ЕЧЛ ғолиблигини қўлга киритган «Арсенал»га берилди.
Эслатиб ўтамиз, ўтган йили «Реал»(эркаклар) ва «Барселона» (аёллар) энг яхши клублар деб топилган.
Олдинроқ йилнинг энг яхши дарвозабони ва энг яхши мураббийлари эълон қилинганди.
