Пролиганинг қолдирилган 9-тур баҳсида «Лочин» сафарда «Олимпик Мобиуз» устидан 3:2 ҳисобида ғалаба қозонди.
Меҳмонлар ҳисобни 9-дақиқада Абдувоҳид Охтоевнинг голи билан очди. Орадан беш дақиқа ўтиб Абдуғофур Ҳайдаров мувозанатни тиклади. Бироқ 18-дақиқада Муҳаммадали Мавлонов «Лочин»ни яна олдинга олиб чиқди.
Иккинчи бўлимда Асадбек Самариддинов 58-дақиқада ҳисобни 3:1 кўринишига келтирди. 67-дақиқада Саидхон Ҳамидов битта гол урган бўлса-да, мезбонлар мағлубиятдан қутула олмади.
Мазкур ғалабадан сўнг «Лочин» 21 очко билан мусобақа жадвалида 3-ўринга кўтарилди. «Олимпик Мобиуз» эса 12 очко билан 9-ўриндаги ўрнини сақлаб қолди.
Пролига. 9-тур (қолдирилган баҳс)
Олимпик Мобиуз - Лочин 2:3
Голлар: Абдувоҳид Охтоев 9 (0:1), Абдуғофур Ҳайдаров 14 (1:1), Муҳаммадали Мавлонов 18 (1:2), Асадбек Самариддинов 58 (1:3), Саидхон Ҳамидов 67 (2:3).
