Машҳур португалиялик собиқ футболчи Манище 41 ёшли Криштиану Роналдунинг жаҳон чемпионатидаги иштироки ҳақида гапирди.
«Ан Наср» ҳужумчиси ўз фаолиятидаги олтинчи мундиалига йўл олади. Португалия миллий жамоаси Конго ДР, Ўзбекистон ва Колумбия билан бир гуруҳда ўйнайди.
«Менимча, Роналду ўйнаши керак. Унда хоҳиш ва амбиция бор экан, у миллий жамоада ўйнайди. Криштиану – ноёб ўйинчи. Ҳа, унинг жисмоний ҳолати 20 йил аввалгидек эмас, лекин у ҳали ҳам рақибларни диққатини ўзига қараттиришга мажбур қила олади, шу орқали шерикларига бўш зоналар яратади. Роналду ҳали ҳам муҳим аҳамиятга эга, лекин таркибни танлаш мураббийнинг иши», – дея Манишенинг сўзларидан иқтибос келтирди Al Nassr Zone.
Эслатиб ўтамиз, Португалия миллий жамоаси ЖЧ олдидан Нигерияга қарши сўнгги ўртоқлик ўйинини ўтказади.
