Леверкузеннинг «Байер» клуби яримҳимоячи Кеннет Айхгорн билан шартнома имзолаганини расмий сайти орқали эълон қилди. 16 ёшли футболчи Берлиннинг «Ҳерта» жамоасидан келди ва узоқ муддатли битимга имзо чекди.
Айхгорн таянч яримҳимоячи зонасида ҳаракат қилади ва ўз авлодида бутун Германиянинг энг кучли футболчиларидан бири саналади.
Якунига етган мавсумда футболчи «Ҳерта» асосий жамоаси таркибида иккинчи Бундеслига доирасида 19 ўйинда майдонга тушиб, 2 та гол уришга муваффақ бўлди.
«Ижобий руҳдаги музокаралардан кейин «Байер» - мен учун энг яхши вариант эканлигини англадим. Кўплаб ёш футболчилар шу клубда қисқа вақт ичида жаҳон даражасидаги ўйинчиларга айланган. Шунга ўхшаш йўлни босиб ўтиш учун қўлимдан келганини қиламан», - деди футболчи.
Янги жамоаси сафида Кеннет 18-рақамни танлади.
Эслатиб ўтамиз, аввалроқ футболчига Англиянинг «Манчестер Юнайтед» клуби ҳам қизиқиш билдириаётгани маълум қилинганди.
