Маурисио Почеттино АҚШ миллий жамоаси бош мураббийи сифатидаги фаолиятини давом эттиришга яқин турибди.
Тhe Athletic хабарига кўра, томонлар шартномани узайтириш бўйича музокараларни якунлаш арафасида. Янги келишув 2030 йилги Жаҳон чемпионатига қадар амал қилиши кутилмоқда.
54 ёшли мутахассис АҚШ жамоасини 2024 йилдан буён бошқариб келмоқда. Яқинда якунланган ўз уйидаги Жаҳон чемпионатида америкаликлар 1/8 финалга қадар етиб бориб, Белгияга мағлуб бўлган эди.
Маълумот учун, Маурисио Почеттино мураббийлик фаолияти давомида «Челси», «ПСЖ», «Тоттенҳэм», «Саутҳэмптон» ва «Эспанёл» клубларини ҳам бошқарган.
