«Кристал Пэлас» ва Испания миллий жамоаси вингери Йереми Пино УЕФА Конференциялар лигаси финалида «Райо Валекано»га қарши ўйин олдидан қаттиқ ҳаяжонланётганини тан олди.
«Англияда «Райо Валекано» ҳақида нима деб ўйлашларини билмайман. Мен бу жамоа билан кўп маротаба ўйин ўтказганман ва улар ҳақида бироз маълумот биламан (Пино бутун профессионал фаолиятини «Вилярреал»да ўтказган. — таҳрир. изоҳи). Финал олдидан менда катта ҳаяжон бор. Катта тажрибага эгаман — бу менинг олтинчи катта финалим, лекин ҳеч қачон бундай ҳаяжонланмаганман. Бу муҳим соврин. Биз уни қўлга киритиш учун барча имкониятларни ишга соламиз», — дея Пинонинг сўзларидан иқтибос келтиради УЕФА расмий сайти.
«Кристал Пэлас» — «Райо Валекано» ўртасидаги финал баҳси бугун, 27 май Лейпцигдаги «Ред Булл Арена»да бўлиб ўтади.
Аввалроқ Пино Испания миллий жамоаси билан УЕФА Миллатлар лигаси финалида уч бор ўйнаган (2021 ва 2025 йилларда икки бор кумуш медал, 2023 йилда олтин медал). Бундан ташқари, Йереми фаолияти давомида «Вилярреал» таркибида Европа лигаси финали (2021 йил) ва 2021 йилги УЕФА Суперкубоги ўйинида қатнашган, ўшанда испанлар «Челси»га пеналтилар сериясида мағлуб бўлган.
