«Кристал Пэлас» бош мураббийи Оливер Гласнер жамоасининг Конференциялар Лигасидаги чемпионлиги ҳақида фикр билдирди. «Бургутлар» финалда «Райо Валекано»ни 1:0 ҳисобида мағлуб этди.
«Ўйин биз кутгандек кечди, аммо менимча, танаффусдан кейинги 15 дақиқада ажойиб ўйин намойиш этдик. Учрашув охирида эса жуда яхши ҳимояландик. Бу фантастик кечада футболчи ва мухлисларимиз ғалабага муносиб эди.
Мен ўзимни шу жамоанинг бир қисми деб биламан. Мураббий сифатида биргина ўзинг ҳеч нарсага эриша олмайсан. Сенга кучли штаб ва энг муҳими, ажойиб футболчилар керак.
Бизнинг жамоа айнан шундай. Улар доимо бирдам бўлиб, қаттиқ меҳнат қилишади. Илк кунданоқ футболчиларга шунчаки меҳнат қилсанг, барчасига эришиш мумкин эканини уқтирдик.
Душанба куни Лондонда 34 даража иссиқ эди, мен тахминан соат 17:00 да кетдим, Матета ва Митчелл эса ўша пайтда ҳам машғулотда эди. Бу футболчиларнинг финалга бўлган муносабатини кўрсатади.
Улар жуда кўп меҳнат қилади ва шу сабабли биз яна бир совринни қўлга кирита олдик», — деди Гласнер TNT Sports’га берган интервюсида.
