«Барселона» яримҳимоячиси Дани Ольмо яқин вақт ичида каталонияликлар сафини тарк этишни режалаштирмаяпти. Бу ҳақда журналист Флориан Плеттенберг хабар берди.
Манбага кўра, испаниялик футболчи жамоадаги ўз ўрнидан мамнун ва қишки трансфер ойнасида бошқа клубга ўтишни кўриб чиқмаяпти.
Аввалроқ Олмонинг номи Мюнхеннинг «Бавария» клуби билан боғланган эди. Бироқ ҳозирда Германия гранди футболчини ўз сафига қўшиб олиш бўйича ҳеч қандай иш олиб бормаяпти.
Эслатиб ўтамиз, Олмо 20 октябр куни Чемпионлар лигаси умумий босқичининг 3-турида «ПСЖ»га қарши ўйинда (2:4) жароҳат олган эди. Тиббий текширувлар футболчининг чап сон қисмидаги яқинлаштирувчи мушак шикастланганини кўрсатди.
Испаниялик яримҳимоячининг тикланиши тахминан бир ой давом этиши кутилмоқда.
