Трансфер ҳуқуқи ҳамон Англиянинг «Манчестер Юнайтед» клубига тегишли, аммо ҳозирда ижарада Туркиянинг «Трабзонспор» жамоаси шарафини ҳимоя қилаётган Андре Онана жиддий ЙТҲ учради.
Воқеадан сўнг, камерунлик 30 ёшли футболчини тиббий кўрикдан ўтиши учун шифохонага етказилган.
The Touchline нашрининг хабар беришича, йўл транспорт ҳодисаси содир этилган вақтда автомобилда Онана ва унинг оила аъзолари бўлган. Дастлабки маълумотларга кўра, дарвозабоннинг машинасига бошқа машина катта тезликда бориб урилган. Зарбадан футболчининг машинаси олдинда кетаётган машина билан тўқнашиб кетган.
Ҳодиса Шотландиянинг «Хартс» жамоасига қарши Конференция лигаси доирасидаги ўйиндан сўнг содир бўлган. 22 октябр куни бўлиб ўтган беллашувда «Трабзонспор» 2:0 ҳисобида ғалаба қозонган эди.
