Овоз беришда тарихда камида икки марта нуфузли мукофотни қўлга киритганлар иштирок этмоқда.
Айни пайтда Криштиану Роналду катта фарқ билан етакчилик қилмоқда - у 75% овозга эга. Гап португалиялик 2008 йилда «Манчестер Юнайтед» футболчиси сифатида қўлга киритган «Олтин тўп» ҳақида кетмоқда.
Иккинчи ўринда Лионел Месси - унинг 2012 йилги «Олтин тўпи» 9 фоиз овозга эга.
Кучли учликни Роналдунинг яна бир «Олтин тўпи» — 2017 йил якунлаб бермоқда. У ҳозирча 6 фоиз овозга эга.
Маълумот учун, овоз бериш 27 октябр куни тунда якунланади, ғолиб кейинги куни эълон қилинади. Шуни таъкидлаш керакки, гап қандайдир расмий мукофот ҳақида кетмаяпти.
«Эътибор беринг: бу мухлисларнинг иштиёқини эътироф этиш учун мўлжалланган халқ овози, у расмий мукофот эмас», - дейилади ташкилотчилар сайтида.
Эслатиб ўтамиз, 2026 йилги «Олтин тўп» топшириш маросими 26 октябр куни Лондонда бўлиб ўтиши режалаштирилган.
