«Манчестер Сити» ҳужумчиси Эрлинг Ҳоланд Англия Премер Лигасининг 2025/26 йилги мавсумидаги энг яхши тўпурар бўлди.
Норвегиялик футболчи 35 та баҳсда 27 та гол урди. Тўпурарлар рўйхатида иккинчи ўринни «Брентфорд» футболчиси Игор Тиаго эгаллади. У мавсум давомида 22 та гол муаллифига айланди.
АПЛнинг энг яхши ассистенти эса «Манчестер Юнайтед» сардори Бруну Фернандеш бўлди. Португалиялик яримҳимоячи 21 та ассист қайд этиб, лига рекордини ўрнатди.
Дарвозабонлар орасида «Арсенал» посбони Давид Райя энг яхши натижани кўрсатди. Испаниялик футболчи мавсум давомида 19 та баҳсда ўз дарвозасидан гол ўтказиб юбормади.
Шу тариқа, АПЛнинг 2025/26 йилги мавсуми якунига етди.
