Инсайдер Фабрицио Романонинг хабар беришича, «Нюкасл» Португалиянинг «Бенфика» клубида тўп тепаётган қанот ҳимоячиси Амар Дедични трансфер қилишга яқин.
Манбага кўра, «Нюкасл» 23 ёшли босниялик футболчи билан шахсий шартнома шартларини аллақачон келишиб олган. Клублар ўртасидаги музокаралар ҳам якуний босқичда. Трансфер суммаси 30 миллион еврога баҳоланмоқда.
Дедич ўтган ёздан буён Португалия клубида тўп тепмоқда. У ўтган мавсумда барча турнирларда 45 та баҳсда майдонга тушиб, 1 та гол урди ва 5 та голли узатмани амалга оширди.
Маълумот учун, Амар Дедич Босния ва Ҳерцеговина миллий жамоаси футболчиси ҳисобланади.
