«Нюкасл» чехиялик футболчи Лукаш Ҳорничекни ўз сафига қўшиб олди. Бу ҳақда клуб расмий сайти хабар берди.
24 ёшли посбон Португалиянинг «Брага» клубидан АПЛга кўчиб ўтмоқда. Лукаш янги жамоаси билан 5 йиллик шартномага имзо чекди.
«Бу клубга ўтганимдан жуда хурсандман. Янги лигада ўзимни ижобий кўрсатиш учун ажойиб имконият берилди.
Келишим билан мени илиқ кутиб олишди. Мослашишим учун шерикларим чин дилдан ёрдам беришмоқда ва бу мен учун қадрли.
Биламан, «Нюкасл» буюк тарихга эга клуб. 52 минг мухлис қаршисидаги баҳслар атмосферасини ҳис қилиш эса шунчаки ажойиб. Улар қаршисида тўп тепишни интиқлик билан кутяпман», — деди Ҳорничек.
