«Наполи» яримҳимоячи Скотт Мактоминай билан ҳамкорликни янада узоқ муддатга давом эттиришни режалаштирмоқда.
Инсайдер Николо Скира хабар беришича, неаполликлар шотландиялик 29 ёшли футболчига 2030 йилгача мўлжалланган янги шартнома таклиф қилмоқчи. Битимга яна бир мавсумга автоматик узайтириш имконияти ҳам киритилиши мумкин.
Шунингдек, клуб футболчининг йиллик маошини 7 миллион еврога оширишга тайёр. Бироқ футболчи томони унинг йиллик иш ҳақи камида 10 миллион евро бўлишини истамоқда.
Скотт ўтган мавсум барча турнирларда 44 та учрашувда майдонга тушиб, 14 та гол ва 4 та голли узатма муаллифи бўлди.
