«Челси» ҳимоячиси Уэсли Фофана жамоадаги келажаги бўйича бир қарорга келмаган. Бу ҳақда Football London нашри хабар берди.
Манбага кўра, «кўклар» ҳимоячисини узоқ муддатли ўрни сўроқ остида қолмоқда.
Франциялик 24 ёшли футболчи 2022 йилда «Лестер Сити»дан «Челси»га 75 миллион фунт стерлинггача бўлган шартнома асосида қўшилган. Унинг амалдаги шартномаси 2029 йилнинг ёзига қадар мўлжалланган.
Фофана 2025/26 йилги мавсумда барча турнирларда 38 та ўйинда майдонга тушган.
