«Наполи» бош мураббий Антонио Конте ўрнига Энцо Марескани асосий номзод сифатида кўрмоқда.
Неаполликлар италиялик мутахассис жамоанинг юқори даражасини сақлаб қолишига ишонмоқда. Конте эса миллий жамоага қайтиш вариантини кўриб чиқмоқда. Агар Италия футбол федерацияси (FIGC) унга миллий жамоа бошқарувини таклиф қилса, мутахассис буни қабул қилишга тайёр.
Маълум қилинишича, номзодлар рўйхатида Раффаэл Палладино ва Винченцо Италяно ҳам бор. Бироқ «Челси» собиқ бош мураббийи ҳозирча Неапол клуби бош мураббийлигига асосий фаворит бўлиб турибди.
Аввалроқ «Фиорентина» Мареска билан шартнома имзолашга қизиқиш билдираётгани маълум қилинганди.
