Лондоннинг «Челси» клуби собиқ бош мураббийи Энцо Мареска А Серияда фаолиятини давом эттириши мумкин.
Маълум қилинишича, «Фиорентина» мутахассис билан шартнома имзолашга қизиқиш билдирмоқда. Флоренция клуби раҳбарияти Марескани ушбу мавсум якунланганидан сўнг жамоага таклиф этишга тайёр.
Италия чемпионатининг 29 туридан кейин «Фиорентина» 28 очко тўплаб, турнир жадвалида 16-ўринни эгаллаб турибди. Навбатдаги ўйинда флоренцияликлар ўз майдонида Миланнинг «Интер» клубини қабул қилади.
Аввалроқ Марескани Гвардиола «Манчестер Сити» раҳбариятига тавсия этгани маълум қилинганди.
