«Манчестер Юнайтед» клуби «Кристал Пэлас» ҳимоячиси Тайрик Митчеллни ўз сафига қўшишни мақсад қилмоқда. Бу ҳақда Football Insider нашри хабар берди.
Маълумот учун, англиялик 27 ёшли футболчининг «Кристал Пэлас» билан шартномаси мавсум охирида якунланади. Шу сабабли у Англия Премер-лигасининг бир қатор топ клублари қизиқиш доирасига тушган. Улар сафида «қизил иблислар» асосий даъвогар сифатида кўрилмоқда. Манкунианликлар Митчеллнинг агентлари билан аллақачон музокара ўтказган. Эҳтимолий трансфер борасида гаплашишган.
Манбага кўра, «Кристал Пэлас» ҳимоячини жамоада олиб қолиш учун барча имкониятларни ишга солмоқда. Футболчига «Ливерпул» ва «Челси» ҳам қизиқиш билдирмоқда.
