«Манчестер Юнайтед» ижрочи директори Омар Беррада жамоа сардори Бруну Фернандеш ҳақида фикр билдирди.
Португалиялик яримҳимоячи, эҳтимол, Англиядаги энг ёрқин мавсумини ўтказди. «Қизил иблислар» етакчиси Премер-Лигада бир мавсум давомидаги голли узатмалар сони бўйича рекордни янгилашга муваффақ бўлди (21).
«Бруну – фантастик сардор, мутлақо фантастик. Албатта, уни қолишини истаймиз. У бу мавсумда ажойиб ўйин кўрсатди, лекин, янада муҳимроғи, у барчага етакчи сифатида қанчалик кучли эканлигини кўрсатиб қўйди. Одамлар унинг майдон ташқарисида ўзини қандай кўрсатишини билишмайди. Шубҳасиз, у алоҳида эътирофга лойиқ», – дея Берраданинг сўзларидан иқтибос келтирди centredevils.
Маълумот учун, Бруну Фернандешнинг «Манчестер Юнайтед» билан амалдаги шартномаси 2027 йилгача мўлжалланган.
