Хамес Колумбия президенти қизининг илтимосини рад қилди

Колумбияда Хамес Родригеснинг миллий жамоани 2026 йилги Жаҳон чемпионатига кузатиш маросимидаги хатти-ҳаракати қизғин муҳокама қилинмоқда.

Тадбир давомида мамлакат президенти Густаво Петро футболчиларга жамоанинг АҚШга жўнаб кетишидан олдин миллий байроқ ва анъанавий «вуэлтиао» шляпаларини топширди.

Ижтимоий тармоқларда президентнинг кичик қизи Антонелла Петро Хамес Родригесдан биргаликда суратга тушишни сўрагани акс этган видео кенг тарқалди.

Бироқ футболчи тўхтамади ва қизчанинг илтимосига эътибор бермасдан йўлида давом этди.

Тарқатилган видеода Родригес унинг ёнидан ўтиб кетганидан сўнг Антонелланинг юз ифодаси сезиларли даражада ўзгарганини кўриш мумкин.