«Милан» ҳимоячи Фикаё Томори ва яримҳимоячи Рубен Лофтус-Чик билан ҳамкорликни давом эттирмайди. Уларнинг клублари билан амалдаги шартномалари 2027 йил ёзида якунланади. Бу ҳақда La Gazzetta dello Sport хабар берди.
Манба хабарига кўра, «Милан» Томорини қишки трансфер ойнасида сотишга тайёр. Лофтус-Чик эса шартномаси якунлангач, клубни эркин агент сифатида тарк этади.
Қайд этилишича, ушбу икки футболчининг кетиши «Милан»га маош харажатларидан 10 миллион евро тежаш имконини беради.
Маълумот учун, Томори «Милан» сафида 2021 йил ёзидан бери ўйнамоқда. Тransfermarkt маълумотларига кўра, 28 ёшли ҳимоячининг бозор қиймати 10 миллион еврога баҳоланган.
Лофтус-Чик эса 2023-йил ёзида «Милан» сафига қўшилган. 30 ёшли яримҳимоячининг Тransfermarkt томонидан баҳоланган бозор қиймати 8,5 миллион еврони ташкил этади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади