Афсонавий украиналик ҳужумчи Андрей Шевченко бугун, 29 сентябр куни туғилган кунини нишонламоқда. Киевнинг «Динамо», «Милан» ва «Челси» клубларининг собиқ футболчиси 50 ёшга тўлди.
Италия клуби матбуот хизмати Шевченкони юбилей билан табриклади.
«Барча даврларнинг энг буюк ҳужумчиларидан бири. Шева, сен учун», - дейилади «россонери»нинг ижтимоий тармоқлардаги хабарида.
Эслатиб ўтамиз, Шевченко 1999 йилдан 2006 йилгача, шунингдек, 2008-2009-йилги мавсумда «Милан» сафида тўп тепган. Жамоа билан украиналик ҳужумчи А Серия чемпионлиги, Италия кубоги соҳиби ва УЕФА Чемпионлар Лигаси бош кубогини ютиб олган. 2004 йилда ҳужумчи «Олтин тўп» совринини ҳам қўлга киритган.
