Аргентина миллий жамоаси сардори Лионел Месси ЖЧ-2026 финалида майдонга тушиш орқали жаҳон чемпионатлари тарихидаги яна бир тарихий натижага эришди.
39 ёшли ҳужумчи Испанияга қарши ҳал қилувчи баҳсни асосий таркибда бошлайди ва шу тариқа мундиал финалларида майдонга тушган иккинчи энг ёши катта футболчи бўлди.
Оptа маълумотига кўра, бу борадаги рекорд ҳали ҳам италиялик афсонавий дарвозабон Дино Зоффга тегишли. У 1982 йилги жаҳон чемпионати финалида 40 ёшида майдонга тушган.
Месси эса фаолиятидаги учинчи мундиал финалида иштирок этмоқда. У аввал 2014 ва 2022 йилги жаҳон чемпионатларининг ҳал қилувчи баҳсларида ҳам Аргентина миллий жамоаси сафида майдонга тушган эди.
Эслатиб ўтамиз, ЖЧ-2026 финалида Аргентина ва Испания миллий жамоалари АҚШнинг Ню-Жерси штатидаги «МеtLifе» стадионида жаҳон чемпионлиги учун баҳс олиб бормоқда.
