«Реал» ҳужумчиси Килиан Мбаппе испаниялик актриса Эстер Экспозито билан ишқий муносабатда бўлиши мумкин. Бу ҳақда AQABABE нашри хабар берди.
Яқинда улар Мадриддаги барлардан бирида бирга кўрилган. Шунга қарамай, футболчи ва актрисанинг жуфтлик экани ҳақида расмий хабарлар мавжуд эмас. Бироқ улар ҳақидаги миш-мишлар илк бор 2019 йилда пайдо бўлган.
Айни пайтда Мбаппе жароҳатдан тикланмоқда. Яқинда ҳужумчи Парижга ташриф буюргани ҳам қайд этилган.
Маълумот ўрнида, бу мавсум Килиан Испания чемпионатида 23 та ўйинда иштирок этиб, 23 та гол урди ва 4 та ассист амалга оширди. Аввалроқ Мбаппе ва Беллингҳэм «Манчестер Сити»га қарши биринчи ўйинни ўтказиб юбориши маълум қилинганди.
