Франция миллий жамоаси сардори Килиан Мбаппе 2026 йилги жаҳон чемпионати 1/8 финал босқичида Парагвай дарвозасини ишғол қилди (1:0) ва шу орқали жаҳон чемпионатлари тарихида ҳеч ким уддалай олмаган статистик рекордни ўрнатди.
ESPN нашрининг маълум қилишича, Мбаппе миллий жамоалар иштирокидаги энг нуфузли мусобақаларнинг 3 та плей-офф босқичида камида 3 тадан гол урган тарихдаги ягона футболчига айланди.
Килиан 2018 йил Россияда ўтказилган жаҳон чемпионати плей-офф босқичида 3 та, 2022 йил Қатардаги мундиалда 5 та, 2026 йилги жаҳон чемпионатида эса ҳозирнинг ўзида 2 ўйинда 3 та гол урди.
Маълумот ўрнида, 2026 йилги жаҳон чемпионати чоракфинал босқичида Франция миллий жамоаси Марокашга қарши баҳс олиб боради.
