«Машъал» таркибни кучайтириш ишларини давом этмоқда. Жамоа ҳимоячилар Тоҳир Тўхтасинов ҳамда Фаррух Ибраҳимов билан шартнома имзолади.
22 ёшли Тўхтасинов асосан чап қанот ҳимоячиси сифатида ҳаракат қилади. У фаолияти давомида «Сўғдиёна» шарафини ҳимоя қилган ҳамда Ўзбекистон U20 ёшлар жамоаси сафида 4 та учрашувда майдонга тушган.
Ибраҳимов эса марказий ҳимоячи сифатида ўйнайди. Сўнгги мавсумларда у «Хоразм» шарафини ҳимоя қилиб келган.
