18 ёшли вингер Рио Нгумоа яқин вақт ичида «Ливерпул» билан амалдаги шартномасини узайтиради. Бу ҳақда ТEАМtalk хабар берди.
Манбага кўра, томонлар ҳамкорликни давом эттириш бўйича принципиал келишувга эришган. Бўлажак шартноманинг тафсилотлари ошкор қилинмаган, бироқ у узоқ муддатга мўлжалланиши маълум.
Нгумоа 2024 йилда «Челси»дан «Ливерпул»га ўтган. У Англия Премер лигасининг ушбу мавсумида икки баҳсда майдонга тушди, бироқ самарали ҳаракат қайд этмади.
Футболчининг «Ливерпул» билан амалдаги шартномаси 2028 йилгача мўлжалланган. Тransfermarkt портали Нгумоа қийматини 30 миллион еврога баҳоламоқда.
