Англия миллий жамоасининг собиқ футболчиси Гарри Линекер «Манчестер Юнайтед»га тайинланган Маурисио Почеттино борасида ўз фикрларини билдирди. Унинг фикрича, аргентиналик мутахассис «қизил иблислар»да узоқ вақт ишламайди.
«У клубга келади, бироқ кейинчалик воқеалар қандай ривожланишидан кўнгли қолади. Агар у яна 18 ойдан кейин ҳам жамоада ишлаётган бўлса, бу мен учун кутилмаган ҳолат бўлади», — деди Линекер The Rest is Football подкасти эфирида.
Эслатиб ўтамиз, «Манчестер Юнайтед» 13 ноябр куни Почеттинони бош мураббий сифатида расман таништирди. Маурисио янги жамоаси билан 2029 йилнинг ёзига қадар шартнома имзолади. Эндиликда у 18 ноябр кунидан бошлаб манкунианликлардаги фаолиятини бошлайди.
