АПЛга қайтган «Ковентри» ёзги трансфер ойнаси олдидан таркибни кучайтириш устида ишламоқда.
Клуб бош мураббийи Френк Лемпард жамоага тажрибали ва номдор футболчиларни жалб қилиши мумкинлиги айтилмоқда.
Аввалроқ «Манчестер Сити» ярим ҳимоячиси Фил Фоденни ижара асосида олиб келиш варианти муҳокама қилинганди. Бироқ собиқ ҳужумчи Клинтон Моррисон бу трансфер амалга ошмаслигини таъкидлади.
«Ҳа, Фил Фоден трансфери бўлмайди. У «Манчестер Сити» билан янги шартнома имзолайди, шунинг учун бунга имкон йўқ», — деди Моррисон Goal нашрига берган интервюсида.
Шу билан бирга, у «Ковентри» Росс Баркли каби тажрибали футболчиларни таклиф қилиши мумкинлигини айтди.
«Премер-лигадан чиққан жамоага камида беш-олти нафар тажрибали футболчи керак бўлади. «Ковентри»да яхши ва иқтидорли таркиб бор, аммо уларга АПЛ тажрибаси зарур», — деди собиқ футболчи.
Моррисон яна бир машҳур исм — Жон Стоунс ҳақида ҳам гапирди.
«Бу амалга ошади демайман, аммо Жон Стоунс каби футболчини тасаввур қилинг. У шартнома якунида «Манчестер Сити»ни тарк этиши мумкин. Албатта, менимча у юқори даражадаги клубга ўтади, бироқ бу қандай трансфер бўлишини тасаввур қилиш мумкин», — деди у.
Қайд этилишича, Френк Лемпарднинг АПЛдаги обрўси ва футбол оламидаги алоқалари «Ковентри» учун катта устунлик бўлиши мумкин.
Эслатиб ўтамиз, Лемпард 2024 йил ноябрида жамоани қабул қилиб олган ва клубни 25 йиллик танаффусдан кейин яна Премер-лигага олиб чиққанди.
