Бу ҳақда As нашри хабар берди.
Нидерландия миллий жамоаси бош мураббийи Роналд Куман журналистлар билан суҳбатда Миланнинг «Интер» жамоасидан Мадриднинг «Реал» клуби сафига ўтиши кутилаётган ҳимоячи Дензел Думфриснинг трансфери ҳақида фикр билдирган.
Куман As нашрига Думфриснинг трансфери тўлиқ якунланган ёки йўқлигини аниқ билмаслигини айтди. Мутахассис бу каби трансферга кимдир арзиса, бу Дензел эканлигини таъкидлади. «Лекин, мен унинг «Барселона»га ўтишини афзал кўрар эдим», - дея қўшимча қилди Куман.
Эслатиб ўтамиз, Роналд Куман 2020 йилдан 2021 йилгача Каталония клубини бошқарган. Дензел Думфрис тез орада «Реал» жамоаси ўйинчисига айланиши керак.
Маълумот учун, «қироллик клуби» Нидерландия миллий жамоасининг 30 ёшли қанот ҳимоячиси учун тахминан 25 миллион евро тўлайди.
