«Манчестер Юнайтед» ёзги трансфер ойнасида яримҳимоячи Мэйсон Маунт билан хайрлашиш имкониятини кўриб чиқмоқда. Бу ҳақда TEAMtalk хабар берди.
Манбага кўра, футболчининг юқори маоши сабаб доимий трансфер амалга ошиши эҳтимоли паст. Айниқса, жамоа Чемпионлар лигасига йўл олса, унинг маоши яна ошиши кутилмоқда.
Клуб Маунтни ижарага беришга тайёр. Келишув 2027 йил ёзида мажбурий ёки ихтиёрий сотиб олиш шарти билан бўлиши мумкин.
Футболчига «Ковентри Сити» қизиқиш билдирмоқда. Бу жамоани Фрэнк Лэмпард бошқаради. Улар илгари «Челси» ҳамда «Дерби Каунти»да бирга ишлаган.
Бу мавсумда Маунт барча турнирларда 23 та ўйинда иштирок этиб, 3 та гол ва 1 та голли узатмага муаллифлик қилди. Унинг клуб билан шартномаси 2028 йил ёзига қадар амал қилади. Transfermarkt маълумотига кўра, футболчининг бозор қиймати тахминан 30 миллион еврони ташкил қилади.
